متفائلون من قلب المجتمع المصري .

ملف الاسبوع ..

.
النهارده بدأنا علي بركة الله ...

كان لقاء مع أحد الناس الفقراء لكنهم مؤثرون ..متفائلون ...سعت متفائلون لمعرفة قصتهم والتي تستحق ان نرفع القبعة لديهم .. فقراء ولكنهم رضوا بعيشهم ثم صبروا ... فاستحقوا ان يطلق عليهم متفائلون...النهارده لقاء مع شخصيه مبتسمه متفائله قسمات وجهه تخفي ما يحمل من هم وضيق ..عمي (عبدالعزيز)مؤذن بأحد المساجد لمده 46عام ....صحيت ع الدنيا اسمع صوته الجميل وهوبيأذن ...فشدني ليه بابتسامته ..وبدأت أسال عنه ...وفوجئت انه مش من الموظفين في المسجد فاستغربت جدا وعرفت انه بيعمل كل ده لله .... قلت امال هو بيصرف من فين ...فقاله ربك بيرزقه ...هنا بدأالحوار....
متفائلون :السلام عليكم ...كل سنه وانت طيب يا حج .
عم(عبدالعزيز):وانت طيب يا بني .
متفائلون :ياحج انت هنا من امتي يا حج ..دا انا دايما افطر ع صوتك الجميل ده .
عم(عبدالعزيز):انا هنا من سنة 67يا بني ....
متفائلون :يااااااااااااه كل ده امال انت كنت شغال ايه بئه يا حج
عم(عبدالعزيز):انا ..هههههه ..علي باب الله يا بني .شويه هنا وشويه هناك ...والفلوس مفيش خالص دا الشهر كان ب3 جنيه زمان ..
متفائلون :انت يا حج عندك كام ابن ..؟
عم(عبدالعزيز):عندي 6 .
متفائلون :كلهم متعلمين .؟
عم(عبدالعزيز):اه أمال ايه كلهم أخدوا دبلوم .
متفائلون :وكلهم اتجوزوا .
عم(عبدالعزيز):لسه يا بني فاضل اتنين.
متفائلون :بس يا حج انت مش بتاخد أجر علي ان انت تأذن ..انت ايه اللي يخليك صابر كل ده ...؟
عم(عبدالعزيز):يا بني كله لله ..دا انا أبويا حتي كان بيأذن هنا قبلي وأنا اللي أخدت الرايه من وراه ...
متفائلون :كنت بتشتغل زمان في ايه يا حج ؟
عم(عبدالعزيز):كنت بشتغل شويه مع ابويا ..علي حسب الرزق ..كنت بقرأ قرآن ..
متفائلون :هو انت حافظ القرآن يا حج .!!!!!!!!؟؟
عم(عبدالعزيز):امال
متفائلون :يا رب يطيل في عمرك يا حج كل سنه وانت طيب وادعيلنا يا حج .
عم(عبدالعزيز):ربنا معاكوا يا بني ....